عراق نے فٹبال میں سعودی عرب کو ایک صفر سے ہرا کر ایشیائی کپ کا فائنل میچ جیت لیا ہے

مہرخبررساں ایجنسی کے نامہ نگار کی رپورٹ کے مطابق عراق نے ایشیائی  کپ فٹبال میں سعودی عرب کو ایک صفر سے ہرا کر فائنل جیت لیا ہے۔ یہ فائنل انڈونیشیا کے دارالحکومت جکارتہ میں ہوا۔ عراق کے لیے فیصلہ کن گول کپتان یونس محمود نے کیا جبکہ بہترویں منٹ میں ان کے ایک بلند و بالا ہیڈ شاٹ کو سعودی گول کیپر بے بسی سے روکنے میں ناکام رہے۔ اس پہلے سعودی گول کیپر نے عراقی کھلاڑیوں کے کئی خطرناک حملے روکے تھے۔ واضح رہے کہ عراق کی فٹ بال ٹیم میں سنی اور شیعہ دونوں فرقوں سے تعلق رکھنے والے کھلاڑی شامل ہیں۔جنھوں نے متحد ہوکر عراقی عوام  کے لئے کھیل کے میدان میں کامیابی حاصل کی ہے اور واضح کردیا ہے کہ عراقی عوام باہمی اتحاد کے ساتھ عراق میں جاری تشدد اور دہشت گردی کے واقعات کا ڈٹ کر مقابلہ کرسکتے ہیں